Resumen
Die besoedeling van beskikbare waterbronne is een van die grootste bedreigings vir volhoubare watervoorsiening in Suid-Afrika. Gepaardgaande uitdagings in omgewingsbestuur en antropogeniese impakte in die vorm van die bekendstelling van chemiese en kritieke voedingstowwe (as kontaminante) verhoog die konsentrasie van stikstof en fosfor in waterbronne. Die kontaminante is afkomstig van bronne soos munisipale riool, nywerheids- en mynboubedrywighede, vee-afval en kunsmistoediening in landbouaktiwiteite. Die ontwikkeling van bio-intelligente oplossings om die watergehalte van waterbronne te verbeter, saam met die bevordering van gemeenskapsvolhoubaarheid en kostedoeltreffende en volhoubare ekosisteemdienste is van kardinale belang.