Resumen
?n Elektrochemiese en berekeningschemiese studie van geselekteerde ß-diketone word aangebied. Die effek van elektronskenkende, aromatiese en estergroepe op die 1 en 3 posisie van die ß-diketone op die reduksiepotensiaal van ß-diketone word geïllustreer en bespreek. ?n Analise van die digtheidfunksionaalteorie-berekende (DFT-berekende) spin digtheidsprofiel en molekulêre elektrostatiese potensiaal van die gereduseerde ß-diketone gee insig in die elektronverspreiding in die gereduseerde molekule. Daar is bevind dat die digtheidfunksionaalteorie-berekende (DFT-berekende) laagste ongevulde molekulêre orbitaal energieë (ELOMO) van die ß-diketoon lineêr verband hou met die eksperimentele reduksiepotensiaal. Hierdie resultaat kan gebruik word om die verwagte eksperimentele reduksiepotensiaal van nuut-ontwerpte ß-diketone te bepaal.